حؤرمتلی جعفری-یه مکتوب ! (هر کسه ثبوت ائده ک کی ...)

بوتون آرزولادیغیمیز اوغورلاری رئاللاشدیرماق اوچون ایسه بیر داها دئییریک کی، گوجلو، چوخ گوجلو بیر تاخیم فورمالاشدیرمالیییق. بو اوغورلارین یولو آنجاق گؤستریلنلرین ماهیتیندن کئچیر. ایشالله قازانیلاجاق اوغورلاردان سونرا قوی آسیا دا گؤرسون کی، تیراختور بیر معولی ناخیم دئیل .

حؤرمتلی کلوب ( باشگاه) رهبرلیگی، کلوبوموزون ماددی ایمکانلاری بونا اویغوندورسا، اوندا قورون گؤزل و گوجلو بیر "تیراختور آزربایجان". قورون کی، هئچ واخت ایران دا و آسیادا ، اوغور قازانمامیسینیز دئینلری یئریندجه اوتورداق. قورون کی، آسیایا سس سالاق. قورون کی، مؤحتشم یاردیمجی لاریمیز بو تاخیم ایله نفس آلیر دئیه. قورون کی، اؤلکه‌ده یئگانه اولان "سهند مئیدانی"نین دیوارلاری و سککی لری آلقیش سسه‌لریندن تیتره‌سین. قورون کی، بعضی اوزدنیراقلارین بو گورولتودان قولاقلاری باتسین و نهایت قورون کی، بو دوغما آزربایجان، هم ده سیزین آدینیزدیر.

حؤرمتلی جعفری ، کلوبوموزون ایمکانی چاتیرسا، گنج ایستعدادلاری، تجروبه‌سی آسیا یاریشلاریندا اوغور قازانماغا کیفایت ائده‌جک فوتبولچولاری آلین. آلین، آخی سیز "تیراختور"آ بئل، قییمتیندن آسیلی اولمایاراق چوخ فوتبولچولار بخش ائتمیسیز. بو ایل ایسه داها گوجلولرینی آلیب، مؤحتشم "تیراختور" قورون. آلنیمیز آچیق، مرامیمیز دوز، بیرلیکده آسیا ماجراسینا چیخاق. آلقیشلاماقلا آیاغا قالخاق، سئومه‌ینلری یئرینده اوتورداق.

بو یوخو دئییل. بو سیزین، بیزلرله باشاراجاغیمیز حقیقتدیر. آللاه آمانیندا


www.tractoraslan.blog.com آسلان تیراختور ...